हे मेरी फुर्र फतेयी || Hey Meri Furr Fatai

Song Line Lyrics

पुरुष 👨‍🦱:
हे मेरी फुर्र फतेयी हे कुते छे रुसयी
हे मेरी फुर्र फतेयी हे कुते छे रुसयी
कैन उसेनी गलोड़ी चिमाडो की सी खयी
ऊँड औदी छूवी लगोदी
नयु ब्यो सी सरमोदी

---

स्त्री 👩:
हे मेरा घर गोदीड्या
लाटा काला उच्च कन्दुड़या
हे मेरा घर गोदीड्या
लाटा काला उच्च कन्दुड़या
कख बटी ऐ भड़ायु बखरू सी हे नीहोण्या
फुण्ड जादी मुंडारु न कादी
जरा सी ऐना देखी यादि

---

स्त्री 👩:
लिंगतण्या हाथ खुटा लिंगतण्या
कुतरण्या लारा लता कुतरण्या
हे लिंगतण्य हाथ खुटा कुतरण्या लारा लता
लीजंड्या लटुला जटा कुसवाणु कालू भट्टा
घोटु गलदार छई
खत्युँ बेकार छई मतलबी यार छई
फुण्ड जादी मुंडारु न कादी
जरा सी ऐना देखी यादि

---

पुरुष 👨‍🦱:
गुटमुटि तोली जनी गुटमुटि
माटा की डोली जनी माटा की
छुटमुटि तोली जनि माटा की डोली जनी
सुरुली बाच क्या ब्वन घिरायी गोली जनी
काली कोदे सी रवटी बासी छांछ सी खट्टी
हे मेरी लटीपट्टी ऊँड औदी छूवी लगोदी
नयु ब्यो सी सरमोदी

---

स्त्री 👩:
चिपलण्य आँखा लाल चिपलण्य
अरे मुखड़ी को चक्रचाल मुखड़ी को
छी चिपलण्य आँखा लाल मुखड़ी को चक्रचाल
पर्र्या सी गिचु अर नाक चौबट्टाखाल
धुवड्यां मुछेलू सी छरसड्या उजेलु सी
हे चीर्या गदेलु सी फुण्ड जादी
हे मुंडारु न कादी
जरा सी ऐना देखी यादि

---

पुरुष 👨‍🦱:
तू मेरी में तेरु छोऊ तू मेरी
त्यारा मैत्यू का सोउ मैत्यू का
तू मेरी में तेरु छोऊ
त्यारा मैत्यू का सोउ
धार लगी जया मवसी हैंकी धार नी जोऊ
हाय मेरी हनीमून मंसूरी देहरादून
येह घरे आस जूण ऊँड औदी छूवी लगोदी
नयु ब्यो सी सरमोदी

---

स्त्री 👩:
हे मेरा घर गोदीड्या
लाटा काला उच्च कन्दुड़या
हे मेरा घर गोदीड्या
लाटा काला उच्च कन्दुड़या
कख बटी ऐ भड़ायु बखरू सी हे नीहोण्या
फुण्ड जादी मुंडारु न कादी
जरा सी ऐना देखी यादि
जरा सी ऐना देखी यादि

This song has Lyrics of Hey Meri Furr Fatai . Narendra Singh Negi